LETTER FROM REGIONAL: MORIS NO MISSAUN IHA INTER-CULTURALIDADE

Pe. Gabriel Koten, SVD

From Every Nation, People, and Language; Sharing Intercultural Life and Mission” nebe hala’o iha Nemi – Roma hahu husi loron 17 de Junho to’o 15 de Julho de 2012 remata ho suksesu boot, la’os deit tanba forma no hetan liderança geral foun maibe liu fali ida ne’e tanba capitulo reflete no determina caminhada moris no missaun ba Congregasaun dos Missionarios do Verbo Divino ba oin tinan nen. Pe. Antonio Pernia SVD nuudar Superior Geral actual (sei remata nia mandato iha 29 de Setembro de 2012) iha ninia discurso hateten katak dois ultimos capitulos katak capitulo geral XV no XVI prepara fundamento teologico, spiritual no pastoral ba capitulo geral XVII ne’e. Iha tema geral mencionado iha leten ne’e, capitulares halo reflexaun, discusaun no decisaun importantes ba congregasaun ninia diresaun oinsa membro SVD tomak moris no hala’o missaun iha interculturalidade.

Interculturalidade la’os simplesmente realidade nebe ita ema hasoru iha mundo globalizado ohin loron nebe fronteiras fisicas labele tan impede contacto entre ema, povo, cultura no nasaun, maibe liu fali ida ne’e, interculturalidade ne’e hatudu natureza escatologica nebe expresa obviamente iha livro Apocalipse; “Mosu ema lubun boot tebes sura la bele, mai husi nasaun oi-oin, povo no lingua oi-oin, hamriik iha trono Bibi Oan nian” (Ap.7.9). Iha realidade de interculturalidade moris ita ema nian iha mundo ohin loron acontese buat diak barak tebes, maibe buat la furak nian mos la falta. Dala ruma encontro no intercambio ne’e hariku ema, povo, cultura no nasaun maibe iha situasaun no realidade balu cria conflitos, tensoens, marginalizasaun, divisaun no seluk tan. Iha realidades hirak ne’e ita Verbita reconhese ita nia vocasaun moris no missaun atu harii ponte no bele sai ponte iha tensoens, no divisoens nebe povo enfrenta atu maske iha diferensa oi-oin, ema hotu ne’e ida deit, povo unido Maromak nian.

Reflexaun, discusaun no decisaun capitulo geral SVD XVII nebe define iha Diresaun Congregasaun SVD 2012 – 2018 guia ita verbita hotu atu moris no hala’o missaun iha espirito intercultural hodi hare no trata didiak ita nia moris rasik entre ita iha comunidade intercultural nebe ida-idak mai husi cultura oi-oin, nasaun no lingua oi-oin bele moris hamutuk ho diak hanesan sasin moris intercultural ba povo i la’os sai escandalo ba povo no sociedade hodi mout iha fundamentalismo cultural no trancado iha primordialismo etnico nebe atrapalha la’os deit missaun maibe estraga natureza escatologica moris povo Maromak nian. Wainhira ita rasik iha ita nia comunidade religiosa, moris hamutuk ho diak iha espirito intercultural, ita bele fo sasin no hala’o knaar missionario oi-oin ka apostulado oi-oin ho firme i credivel.

Mai ita hotu, missionarios do Verbo Divino iha Regiaun Timor Leste ne’e, hametin ita nia compromisso moris (ad intra) no compromisso missionario (ad extra) iha interculturalidade atu nune’e, moris no missaun nebe ita hala’o fo fuan tebar iha Reino Maromak nian. (Pe. Gabriel Suban, SVD, Regional)