PSIKOLOGIA FAMILIA

A.     RELASAUN INTERN FAMILIA

·         CASAMENTO: Moris hamutuk entre feto ida ho mane ida bazeia ba “DOMIN” totalmente.

·         Baze principal fen ho laen sira hodi forma uma kain iha ninia objektivu ma’ak ne’e:

1.      Gosta moris hamutuk, no sai ida deit hanesan fen ho laen, ho nia motivo:  biologico, psikologico no sosiologico hodi  kompleta malu. Iha ne’e, fen ho laen sira rekonhece an katak sira “persisa malu” profundamente no iha tempo indeterminado.

2.      Atu hetan Gerasaun foun/Keturunan.

Atu hetan Gerasaun foun ka oan, laos objektivo primero hosi imi feto ho mane sira  nia hamutuk hanesan fen ho laen. Tan ne’e sequando la iha oan, la presisa atu kaben tan feto ou mane seluk.

·         Iha moris hamutuk hanesan fen ho laen, sei mosu mos esperansa (harapan) oi-oin hosi imi feto ho mane:

Exemplu:

1.      Esperansa (harapan) iha domin mak  ESKLUSIVO.

-          Hariku no Haksolok ba malu

-          Compriende no fo an tomak ba malu

-          Sakrifisiu no terus ba malu

-          Fiar ba malu.

2.      Esperansa Biologis Iha Seksulidade

Ita ema hanesan kriatura iha esperansa biologis, persisa buat barak ba ita nia moris  Uma, Tais no han ( Sandang, pangan no papan). Funsao seksualidade iha imi fen ho laen sira nia moris laos hanesan instrumen hodi buka “kenikmatan/ pelampiasan hawa nafsu maibe liu-liu atu imi fen ho laen iha moris hamutuk ne’e bele compriende no hariku  malu liu hosi imi nia hadomi malu ne’e.

3.      Esperansa Sociale

Sei mosu iha sosiedade nia laran desenvolvimento privado mak imi hetan iha imi nia uma kain laran. Nu’udar kreatura ita sinti kontenti. Exemplo, Eduka la barik sira sai ba ema diak, hatene hakneter  no respeito ema.

4.      Esperansa Otoridade

Hili mane ou feto sai ba partner ne’e diretu ida-idak niak. TanMai be atu eduka labarik sira ne’e responsabilidade imi fen ho laen.Banin feto no banin mane ne’e pihak ke 3 ma’ak bele ajuda maibe laos tugas utama sira nian. Tan sa?  Tan dala barak mos sira rasik mak sobu uma kain maak imi forma (???).

5.      Esperansa Material

Hanesan kreatura imi mos mehi hakarak atu iha imi nia uma kain laran buat hot-hotu kompleto. Osan,hahan,hatais,televisaun,kareta,uma mak diak no sele-seluk tan. Buat sira ne’e sai desafius bot ba imi rasik wainhira mehi ne’e la iha realidade. Sei imi hakaas an no hetan duni buat sira nebe ohin hau temi,maka imi kontenti,sinti satisfai mai be sei ambiente la fo lisensa atu imi bele kompri buat hotu nebe imi mehi iha leten maka imi sei kecewa tan akontese kegagalan. Sei kegagalan terjadi iha familia ida nia laran, maka sei terjadi mos gangguan yang luar biasa untuk keluarga anda. Apa lagi quando la resolve.

B.      FIAR IHA FAMILIA NIA LARAN.

Agora ita koalia kona ba fiar iha uma kain nian laran. Uma kain nia signifikasaun LUAN: laos inan aman ho oan sira deit maibe tama mos maun alin sira tomak mak moris iha uma kain ida nia laran.

Iha ambiente familia bot hanesan ne’e dala barak kusta oit oan atu imi fen ho laen kontrola membrus sira nia moris ispiritual. Imi hanesan kondutor uma kain ne’e nian tenki buka dalan oin sa atu membrus sira ne’e moris ispiritual bele buras no aumenta klean liu tan fiar sira nian nu’udar serani. Atu haklean liu tan fiar uma kain nian maka tenki iha komunikasaun mak diak exemplo,sharing KS, reza iha uma laran hamutuk ho oan sira, eduka oan sira atu ba misa iha loron domingo no loron biasa.

Ne’e responsabilidade imi fen ho laen sira nian. Fiar familia nian atu mate ka moris ne’e depende ba imi. Tan ne’e ema matenek nain sira hateten katak FAMILIA ne’e SEL HIDUP GEREJA (ECCLESIOLA = GEREJA KECIL = IGREJA KIIK).

C.      MORIS HAKMATEK IHA FAMILIA LARAN.

Fakta hateten katak moris paz,kontenti no haksolok iha uma kain nia laran laos hetan automatikamente maibe persisa atu forma  no halo konkrit  ita nia kompartamento moris lor-loron nian. Domin hanesan batar musan ida nebe ita kuda,nia moris,abut tama rai, hamrik metin no desemvolve an to’o fo fuan, fo fulin. Nune’e mos domin imi fen ho laen sira nian. Imi nia hadomi malu laos terjadi ho lia fuan sira ma’ak imi hateten sai  ba malu,  ho imi nia promete iha altar futar oin, maibe tenki iha realidade. Dala barak familia naksobu tan domin fen ho laen sira nian namlaik lalais deit. Pada halnya familia mak ita forma,ita hakarak atu sai ba familia mak diak, familia  santo, familia sagrada.

 Signal katak familia santo ka diak hanesan tuir mai ne’e:

1.Komunikasaun.

Besi Kleta ida nia bele lao,wainhira nia  roda gigi dihubungkan ho gir roda sepeda ne’e. Rem tangan tenki iha relasaun ho porok no roda oin. Roda oin no roda kotuk mos tenki iha relasaun ba malu. Onderdil sira ne’e dihubungkan satu dengan yang lain dan saling menggerakan maka terjadilah “Besi kleta.” (Sepeda). Relasaun entre onderdil sira ne’e diak besi kleta ne’e mos sei lao hetak diak. Ita nia isin lolon ne’e mos hanesan (Tubuh kita pun demikian juga).

Dala barak familia naksobu tan la iha komunikasaun, mak hamosu salah paham, kelesuan no diskonfia malu. Minus komunikasaun tan la iha dialogo, la iha keterbukaan, la iha honesti, taka an metin ba malu, laos hanesan fen ho laen.

Dialogo laos deit tukar menukar imi nia hanoin, maibe ne’e hanesan fundasaun hosi tindakan imi fen ho laen mak bijaksana, hare (melihat), tetu (menimbang),desesaun (memutuskan) tindakan seefektif mungkin.

2.Solidariedade (Solidaritas)

Familia mak diak ita bele hare hosi komunikasaun entre membrus, nomos ita bele hare hosi kekompakan,kesetiakawanan no solidariedade (Solidaritasnya).

Solider signifika katak: sinti hanesan,senasib,sederajat no mau terlibat iha susar no terus nia laran. Solider laos hahalok ida be ikut-ikutan deit tan pendirian maibe pronto atu simu ema seluk hanesan partner.

Sikap solider mosu hosi:

-Konsiensia mak naruk:

·         Hodi ne’e ita bele hatene se ida nia no se ida hau

·         Bele kuinese situasaun fen ou laen nian

·         Bele hatene prifado partner; otonom,unik ou hanesan ho hau

·         Ferik ou katuas oan ne’e hau rasik mak hili.

             -Responsabilidade:

·         Barani atu hola resiko atas pilihan

·         Barani hasoru realidade partner, la bele hare katak nia servente ou hau nia auxiliar deit

              -Hatene Haraik an:

·         Barani ses hosi ita nia kepentingan prifado atu ita bele serbi ida nebe ita hadomi.

·         Barani hatudu hahalok honestu no diak ba malu hanesan fen ho laen ema katolika nian.

D.     KRITIKA NO LOKE-AN

Uma maak diak ne’e uma mak iha janela no vetilasaun, atu anin foun bele tama. Nune’e mos organisasaun  mak diak ne’e organisasaun mak bele simu hanoin no idea foun mak tama. Hanesan mos familia. Familia atu lao ba oin, desenvolve sira nia- an quando fen ho laen hakarak simu idea,hanoin foun hodi hadian uma kain laran. Ne’e signifika katak fen ho laen LOKE sira nia-an atu simu kritika no saran hosi liur atu hodi forma uma kain mak diak liu tan.

Simu kritika ne’e dehan katak ita simu realidade katak ita sei dauk completu (sempurna),ne’e duni ita persisa fo hanoin,fo idia ba malu atu uma kain mak ita hari bele lao diak ba oin.

E.      SAKRIFISIU (PENGORBANAN)

Atu haksolok persisa tarrefa (untuk bahagia perlu biaya). Tarrefa mak karun liu ne’e maak SAKRIFISIU. Iha moris lor-loron nian ita sinti katak hodi SAKRIFISIUmak buat hotu bele lao ba oin.

Exemplo:

·         Oan sira moris diak no sai matenek tan sakrifiu hosi INAN no AMAN

·         Knua ou bairo ida sei lao ba oin quando iha ema mak fo an tomak serbi nesesidade knua ou bairo ne’e.

·         Organisasaun nia bele desemvolve an quando nia membrus sira pronto halo sakrifisiu ba sira nia presisa hamutuk.

·         Tan sakrifisiu herois sira, maka TIMOR LESTE hetan Independensia

·         Tan sakrifisiu Jesus Kristo nian iha krus leten maka mundo bele hetan salvasaun.

Sakrifisiu hanesan ne’e mak ita presis iha moris uma kain nia laran. Hahalok sakrifisiu mak determina mutu no kwalitas uma kain serani nian, tan sakrifisiu ne’e hatudu klaru mai ita oinsa ciri setia kawan,keterlibatan, no cinta kasih.

Sakrifisiu ne’e parte hosi domin. Sakrifisiu ne’e konsekwensia hosi domin. Tan ne’e sei imi fen ho laen hadomi malu hodi domin mak origanal ne’e hatudu mos katak imi barani halo sakrifisiu ba malu.

Atu imi fen ho laen bele halo sakrifisiu ba malu primeri imi tenki ‘ peka’ ba imi ida-idak nia persisa, tenki pasiensia hasoru ho susar fisiko no psikologia; tenki honesti no hatene haraik an.

Maluk sira hotu, sei ponto lima ne’e imi reflete no halo didiak iha imi nia uma kain nia laran,hau fiar katak imi nia uma kain mak atu imi hari sei sai diak, sei sai rukun, dame no paz iha semangat Kristaun ninian. (Pe. Dominikus Leki Nahak, SVD)

Sumber Bahan Bacaan!

1.      Membangun Keluarga Kristiani, Kanisius 1992

2.      Psikologi Keluarga: Penanaman Nilai dan Penanganan Konflik dalam Keluarga, Kencana 2012.

3.      Kesehatan Reproduksi (Untuk Mahasiswa Kebidanan),Pustaka Rihama 2011.

4.      Biological Psychology,8 Edition; Wadsworth, a division of Thomson Learning 2005

RITO MATRIMONIO DO CAZAMENTO

 

I. PREPARAÇÃO ANTES ATU KABEN

1.1. Preparacao Documentos

            Molok noivo/a sira atu hakat ba uma Kreda atu kaben, sira persija kompleto documentos legais sira hodi kumpri lolos regras uma kreda nian depois mak sira bele hetan bensaun formal husi uma kreda ba sira nia kazamento.

            Preparacao Dokumento nebe Uma Kreda persija mak hanesan tuir mai ne’e:

a.       Persija hasoru Amo Paroko hodi halo inscricao ka tau naran iha kartoriu katak noivo/a sira pronto tiha ona atu kaben formalmente iha Igreja Katolika.

b.      Noivo/a sira persija hatudu sira nia dokementos sira hanesan Certidao do batismo ida-idak nian ba Amo paroko hodi hetan autorizasaun legal ba prepasaun kazamento nian.

c.       Hatudu certificado preparacao kazamento no lista prezensa ba Amo paroko katak sira hetan tiha ona preparasaun diak atu harii sira nia uma kain ho responsabilidade.

d.      Depois de tau naran iha igreja, Amo paroko sei fo sai aviso publikamento kona ba kandidatos sira nebe atu kaben dala tolu iha igreja iha tempo misa nia laran.

1.2. Preparacao intrumentais ba necesidades matrimonio nian

     a. Preparacao fiziko ba Festa kaben nian

1. Preparacao Roupa ba Noivo/a sira nian;

            = Hatais husi Noivo/a sira nebe kompleto…

            = Kadeli ba Noivo/a sira nian

            2. Preparacao uma rasik husi noivo/a sira nian

      b. Preparacao Instrumento Espiritual sira

            = Livro Lulik/ Bibia Sagrada

            = Terco

            = Kruz

            = Sagrada Familia

      c. Preparacao para liturgia mak hanesan

= koro,

= leitores

= Treinamento oinsa atu hamriik hodi halo juramento 

1.3. Preparacao Mentalidade atu hakat ba Kazamento

      a.  Kandidatos sira nebe atu kaben eh Noivo/a sira persija tuir formacao durante tempo

     nebe determinado iha Centru Formacao ba Familia hodi hetan visaun nebe klean no

     profunda hodi bele lori sira nian no uma kain nebe sira harii ho kualidade no

     responsabilidade.

b.  Konfesa. Molok atu celebra sakramento matrimonio, Noivo/a hamutuk ho sira nia

     testamunha sira no mos inan-aman husi parte rua nian persija hetan orientasaun final

     ikus husi Amo paroko ou Amo nebe prepara an atu fo kaben ba noivo/a sira. Iha

     preparacao ikus ne’e, ema sira nebe temi iha leten presija tebes atu konfesa. Razaun

     atu konfesa importante hodi hamos an didiak no bele halo rekonsiliasaun ba malu

     moluk ba hamutuk atu hetan bensaun iha igreja.

1.4. Treinamento antes celebra festa kazamento iha Igreja.

Amo lulik ou Katekista sira hala’o treinamento kona ba rito matrimonio ba noivo/a   

sira molok celebra simu bensaun ba Sakramento kaben sira nian.

II.  RITO DE CASAMENTO NIAN

BOLU NARAN: NOIVO NO NOIVA NIAN:

Celebr. : Noivo i Noiva :…..  ho …… nebe hakarak atu simu no legaliza imi nia Sakramento Kaben, hau husu atu hamrik.

 (Noivo i Noiva hamrik iha klaran, Testamunha sira: Padrino no Madrina sira hamrik iha sorin-sorin)

Celebr:  Noivo-noiva: ……  ho ……, Imi mai iha Uma Kreda ne’e, atu Maromak fo kbiit, hodi haraik bensa atu halo imi nia hadomi malu, iha Uma Kreda nia Ministerio ho sarani sira oin. Kristo ho laran luak, haraik matan ba domin ne’e, hodi fo bensaun ba imi. Hodi baptismo Santo, imi hasae tiha ona, imi an tomak ba Maromak.

Oras ne’e, Nai atu haraik grasa foun sakramento foun ida nian, ba imi hodi fo kbiit ba imi: nune’e, imi sei bele simu hodi halo tuir lolos imi nia obrigasaun hadomi malu, la haketak malu, to’o mate, ho tan obrigasaun sira seluk kaben nain nian.

Ne’e duni, iha ema Sarani sira nia futar oin; hau sei husu imi hakarak tebes atu kaben ka lae..?

HUSU BA NOIVO-NOIVA

1.      Husi Noivo 

Celebr:  ……. , hanoin didiak tiha ona buat ida mak atu hala’o dau-daun ne’e; Oras ne’e kedas dehan mai ba: ITA RASIK HAKARAK TEBES HO LARAN NO NEON TOMAK SIMU ITA NIA NOIVA: …….. IHA NE’E, DAU-DAUN BA ITA NIA KABEN?

Noivo : HAU RASIK HAKARAK.

Celebr :  ……..,   ITA HAKARAK TEBES HO LARAN NO NEON TOMAK HADOMI, RESPEITA NIA NO LA SOE NIA TO’O MATE?

Noivo : HAU RASIK HAKARAK.

Celebr :  ……..,  ITA HAKARAK TEBES HO LARAN NO NEON TOMAK, SIMU NO HADOMI OAN SIRA, HOSI MAROMAK FUTAR LIMAN, HANORIN SIRA TUIR JESUS CRISTO NIA LEI HO SANTA CREDA NIA UKUN FUAN ?

Noivo : HAU RASIK HAKARAK.

2.      Husu Noiva

Celebr : ……., hanoin didiak tiha ona buat ida mak atu hala’o dau-daun ne’e; Oras ne’e kedas dehan mai ba: ITA RASIK HAKARAK TEBES HO LARAN NO NEON SIMU ITA NIA NOIVO IHA NE’E DAU-DAUN BA ITA NIA KABEN?

Noiva : HAU RASIK HAKARAK.

Celebr :  ITA HAKARAK TEBES HO LARAN NO NEON TOMAK HADOMI  RESPEITA NIA NO LA SOE NIA TO’O MATE?

Noiva : HAU RASIK HAKARAK.

Celebr :  ITA HAKARAK TEBES HO LARAN NO NEON TOMAK, SIMU NO HADOMI OAN SIRA, HOSI MAROMAK FUTAR LIMAN, HANORIN SIRA TUIR JESUS CRISTO NIA LEI HO SANTA CREDA NIA UKUN FUAN ?

Noiva : HAU RASIK HAKARAK.

SIMU LIA HAKOTU: NOIVO-NOIVA

Celebr : TAN HAKARAK TEBES HO LARAN NO NEON TOMAK SIMU MALU IHA SAKRAMENTO KABEN, AGORA IMI KAER IMI NIA LIMAN LOS BA, HODI HALO JURAMENTO IHA MAROMAK FUTAR OIN NO IHA SANTA CREDA NIA OIN.

(Noivo ho noiva sira kaer liman ba malu,  no tau liman iha Livro Lulik nia  leten).

Noivo :   HAU…….,  SIMU  Ó  ………, BA HAU NIA KABEN,  HAU JURA LA SOE Ó, HADOMI Ó NAFATIN, RESPEITA Ó NAFATIN, IHA TEMPO DIAK NIA LARAN MOS IHA TEMPO A’AT NIA LARAN TO’O MATE.

Noiva :    HAU: ……., SIMU Ó ……,  BA HAU NIA KABEN,  HAU JURA LA SOE Ó, HADOMI Ó NAFATIN, RESPEITA Ó NAFATIN, IHA TEMPO DIAK NIA LARAN MOS IHA TEMPO A’AT NIA LARAN TO’O MATE.

(Na’i Lulik lolo liman los, hamahan Noivo no noiva, hodi  dehan: )

Celebr : NAI HO LARAN LUAK, HARAIK KBI’IT ESPIRITU SANTO, BA IMI NIA JURAMENTO NEBE IMI HALO IHA NIA KREDA. NAI HARAIK GRASA NO BENSA WAIN BA IMI.

MAROMAK TAU IMI HAMUTUK, SAI IDA DEIT ONA, IHA SAKRAMENTO KABEN NE’E; I HAU FO BENSA BA IMI (+) HODI PADRE, HODI FILHO, HODI ESPIRITO SANTO SIRA NIA NARAN.

IMI HOTU NEBE IHA NE’E, SAI TESTAMUNHA KONA BA SIRA NAIN RUA NIA JURAMENTO NEBE SAI SANTO, BASÁ, MAROMAK TAU NIA MARKA ONA. TAMBA NE’E EMA LA BELE HAKETAK NO HAKFAHE BUAT NEBE MAROMAK TAU HAMUTUK ONA TINAN BA TINAN NAFATIN.

Povo : A m e n

BENÇÃO BA TROKA KADELI NIAN

Celebr :  NAI HARAIK BENSA (+) BA KADELI ALIANSA HIRAK NE’E, NEBE (NOIVO-NOIVA) FO BA MALU NU’UDAR SINAL MAROMAK NIAN HODI HATUDU KATAK (NOIVO-NOIVA) HADOMI MALU, NO LA SOE MALU TO’O ROHAN LAEK.

Povo : A m e n

(Noivo tau Kadeli ba Noiva nia liman hodi dehan:)

Noivo : ……, SIMU KADELI ALIANSA NE’E NU’UDAR SINAL  HODI HATUDU KATAK, HAU HADOMI Ó, LA SOE Ó TO’O MATE. HODI PADRE, HODI FILHO, HODI ESPIRITU SANTO SIRA NIA NARAN.

(Noiva tau Kadeli ba Noivo nia liman hodi dehan:)

Noiva : ….., SIMU KADELI  ALIANSA  NE’E NU’UDAR SINAL HODI HATUDU KATAK, HAU HADOMI Ó, LA SOE Ó TO’O MATE. HODI PADRE, HODI FILHO, HODI ESPIRITU SANTO SIRA NIA NARAN.

(NB: Depois de Noivo-Noiva legaliza sira nia simu malu iha Sakramento Kaben, sira nain rua troka fatin: Noivo iha sorin kuana, noiva iha sorin karuk)

III. LITUGIA DA KOMUNIAO

1. Ami Aman : Ho laran metin ita tomak haluk, nuudar Kristu hanorin….

                          AMI AMAN…..

(Depois oracao Ami Aman, Amo lulik reja ba noivo/a sira, husu ba noivo/a sira atu hakneak iha fatin nebe prepara tiha ona).

2. BENSAUN BA KABEN NAIN FOUN SIRA

S:  Sarani doben sira: ita harohan ba Na’I, hodi husu ba Kabenain sira ne’e nebe atu simu dadaun Kristu Nia futar isin no ran. Ita reza ba sira atu sira moris hamutuk nafatin iha domin los, domin santo nia laran. (Nonok oituan, hafoin reza…)

            Maromak, Aman Santu ! Ho laran luak, Ita bot halo ema moris tuir Ita futar ilas; Ita hakiak mane ho feto atu sira ho laran ida deit ho isin ida deit, halo tuir lolos sira kna’ar iha mundo.

            Atu fo sai Ita nia domin, Ita hakarak hatudu ho kaben nain sira nia fo an ba malu, aliansa nebe Ita halo ona ho Ita nia povu. Iha kaben nain isra nia moris hamutuk nebe sakramento halo santu, Ita bot hakarak hatudu misteriu kaben Kristu ho Kreda nian.

            Ne’e duni, lolo Ita liman hodi hamatan Ita atan sira:…..  ho …... Haraik tulun atu, iha sira nia moris hamutuk iha kazamento nia laran, sir abele fo an ba malu rahun diak sira nebe mai husi Ita domin. Halo sira hatudu an ba malu nu’udar Ita bot rasik iha sira leet. Iha sira nia moris tomak, halo sira laran ida deit, klamar ida deit. Tulun mos sira atu hodi sira nia serbisu, sir abele tahan uma nebe sira hari’i. Halo sira hatene tau matan no hanorin didiak sira nia oan sira atu moris tuir ukunfuan Evangelho nianm hodi pretense ba Ita nia familia Lalehan.

            Haraik bensa wain ba Ita atan feto: …….. atu nia hala’o lolos nia knar nu’udar kabenain, nu’udar inan, nia bele halo nakonu nia uma laran ho domin mos nian, hatudu ksolok no laran diak.

            Haraik bensa wain ba Ita atan mane: …….,  atu nia kumpri lolos nia obrigasaun nu’udar laen laran mos, nu’udar aman badinas.

            Aman Santo, halo kabenain sira ne’e, (nebe oras ne’e dadaun hakarak hakbesik an ba Ita nia mesa), haksolok loron ida hodi ba hamutuk iha Lalehan. Ami harohan hodi Nai Jesus Kristu nia naran hamutuk ho Espiritu santo. (Pe. José Taçain, SVD)