ESPIRITUALIDADE DO MATRIMONIO

  I.  LIA MAK LOKE

            Atu hamoris no dezemvolve moris hanesan fen-laen, persija hafunda an iha Espiritu Maromak nian nia graza no tulun.  Ho hanoin ida ne’e, fen-laen sira bele lori an hodi bele fo testamunha moris Kazamento hanesan sarani Kristao lolos.

            Hodi Espiritu santo nia tulun, fen-laen sira hatudu ba Mundo kona ba Sakramento liu sira nia prezensa rasik iha uma laran. Fen-laen fo sasin katak sira mak Sakramento moris tamba liu sira nain rua, sira hasalva an no aprenzenta kona Reino Lalehan iha mundo.

            Espiritualidade do matrimonio nebe fen-laen sira atu aprenzenta lolos iha uma laran mak: paz no dame, felicidade, moris ksolok, domin, perdaun ba malu, pacienzia, mentalidade fielididade profunda no sakrificio sem limitasaun do tempo ba malu.

            Epiritualidade do matrimonio nebe Igreja Katolika hakarak hetan husi mane ho feto sira katak hanesan fen-laen sira bele hatudu lolos kapasidade no kbiit sira nian  hodi hakbiit an hanesan fen-laen no hamoris vokação hanesan leigos komprimitido no buka Maromak nia Reino iha mundo rai klaran no organiza tuir Maromak nia hakarak rasik (FC, 47).  

Espiritualidade do Matrimonio nebe kaben nain sira persija dezemvolve mak oinsa atu hamoris Sakramento sira iha moris uma laran no gerasaun foun sira nia moris.

II. LIGASAUN ENTRE ESPIRITUALIDADE HO SAKRAMENTO SIRA

            Iha moris uma laran, inan-aman ka fen laen sira persija atu aprezenta kona ba Espiritualidade nebe real ka konkreto lolos mak hanesan tuir mai ne’e:

2.1. SINAIS SIRA

            Atu komprende diak liu tan maneiras oinsa laloak Espiritualidade bele metin iha uma laran, persija atu komprende “saida” mak Sinal. Tamba ne’e, sei haktuir siginifakativo husi Sinal.  Entretanto Sinal mak forma ida atu halo komunikasaun ba malu iha uma laran, nebe ajuda pesoal sira hodi kompriende didiak sinal sira no buat seluk nebe atu trasmite iha moris hamutuk iha uma laran. 

2.2. SAKRAMENTO SIRA

2.2.1. Saida mak Sacramento

Lia fuan “Sacramento” la foti husi livro lulik nian, maibu foti husi “Kustumi Romawi” nian nebe mai husi liafuan “latin”. Iha nia signifikativo mak primeiro, “juramento soldado” nian. Katak juramento ne’e sei halo husi ema soldadu wainhira sai ona tropa/soldado. Segundo, osan nebe garante atu hatama no rai hela iha fatin lulik ba ema nain rua ou sira nebe iha problema. Se mak sei lakon husi problema refere, se lakon mos osan refere. Osan grantida ne’e sei hanaran “sacramentum” nebe signifika maneira nebe santu, lulik, no sei iha ligação ho maromak sira seluk (para dewa/i).

Lia funa Sacramento ikus mai, ema Egipto sira deskobre fali ho naran “Mysterion” nebe iha nia signifikativo nebe relasiona ho lalaok nebe Maromak halo liu Jesus Kristu atu salva ema umano sira. Ikus mai, salvasaun nebe hatutan to’o sarani sira nebe halao liturgia; entaun iha lalaok liturgia sei temi deit “Sacramento”. Sacramento mak sinal no instrumento Maromak nian nebe realize iha moris ema umano sira nian. Sacramento Matrimonio mak sinal no instrumento Maromak nian nebe realize iha moris feen-laen sira nian.

2.2.2. Sacramento seidauk klaru ba Sarani

Too agora ema barak seidauk hatene lolos signifikadu Sacramento Kaben ba moris fen-laen nian. Tamba ne’e sarani barak moris hamutuk tiha depois oan barak tiha mak foin hakaas an atu kompleta moris hodi simu Sacramento Kaben. Por ezemplo: balu moris kleur too katuas-ferik ona ho oan no bei oan tan mak atu simu sacramento kaben. Pior liu mak balu simu tiha sacramento kaben sira soe malu. Mane kabenain ba buka fali feto seluk. Feto mos hanesan sei buka fali feto seluk. Too iha ne’e sarani sira komprende moris hamutuk tuir mandato Estado mak kazamento Civil. Katak ema moris hamutuk hanesan kontratu ida. Kontratu hotu tiha, bele husik malu no buka dalan atu halo kontrato foun.

Sakramento lolos seidauk pronfunda iha fiar nian. Sakramento Kaben hanesan formalidade ida atu hetan deit dokumento kazamento nian. Hodi nune’e bele fasilita atu trata dokumento ruma ba oan sira ou dala ruma fasilita atu hetan osan ka serbisu ruma.

Tamba sarani menus iha fiar, entaun dala wain sira kestiona wainhira atu simu sakramento kaben, tamba saida persija atu halo preparasaun…?? Nusa la tau naran deit depois ba igreja atu simu bensaun husi amlulik…??

Realidade sira akontece bebeik ona tamba sarani la hatene valor Sacramento Kaben husi Uma Kreda Katolika nian. Tamba ne’e wainhira atu simu Sakramento Kaben, persija lolos prepara-an atu hatene didiak signifikadu Sakramento Kaben iha Livro Lulik, tradisaun Uma Kreda Katolika nian no finalidade i  Valor importante husi Sakramento Kaben nian.

2.2.2.3. Sintidu Sakramento Kaben tuir Uma Kreda Katolika nia hanorin

2.2.2.3.1  Iha Livro Luluk (Testamento Tuan no Foun)

Iha Antigo Testamento: iha livro Genesis hateten katak: “la diak wanhira ema ne’e mesak deit” (Gn. 2:28). Tamba ne’e Maromak halo mos feto husi ema ninia isin lolon rasik e lori ba mane. Mane hakfodak hodi hateten: “ida ne’e, nia be husi hau nia ruin lolos no isin husi hau nia isin rasik” (Gn. 2:23). Ida ne’e atu hatudu katak feto ho mane hanesan (igualidade) deit. Laiha ida mak aas liu ou folin liu husi ida seluk. Iha Antigo Testamento mos koalia oinsa feto-mane hahu sira nia relasaun intima nebe deklara dehan: “mane husi nia inan aman ba hamutuk ho nia fen, no sira nain rua sai isin ida deit” (Gn. 2:24). Ne’e duni nuudar fen laen, laos nain rua mak moris hamutuk; maibe nain rua sai ida deit. Afirma kona ba hanoin refere, Profeta Ozeias kompara fen-laen nia moris hamutuk ne’e hanesan sinal Maromak nia domin ba Nia Povo Israel (Oz. 3:1), domin nebe iha fiel. Katak maske povo Israel dala wain la fiel hodi adora Maromak falsu, maibe Maromak hadomi nafatin Israel hanesan nian kaben.

Iha Testamento foun: Jesus fo apoiu lolos ba karakteristika Sakramento Kaben uma Kreda Katolika nian mak “Monogamia”.  Katak ema labele haketak malu eh soe malu. Hanoin refere iha nia afirmasaun husi Evangelho saun mateus nebe Jesus fo resposta ba Farizeu nia perguntas: “Tan naran buat ruma mane ida bele soe nia fen ?”  “Imi la lee katak hori uluk kedas Maromak halo mane ho feto hodi dehan: mane sei husi aman no inan hodi moris hamutuk ho nia feen, sora nain rua sai isin ida deit..? Tamba nee sira laos nain rua maibe isin ida deit. Nee duni buat nebe Maromak tau hamutuk ona, ema labele haketak” (Mt. 9: 3-6). Resposta husi Jesus mos los katak Nia ezizi feen-laen sira atu fiel ba malu, tamba sira nain rua hamutuk ne’e santu, puru. Basa Maromak rasik mak tau hamutuk ona atu sira nain rua sai ida deit nuudar fen-laen.

2.2.2.3.2.   Tradisaun Uma Kreda Katolika

Iha Sakramento Kaben ne’e, sira nain rua fo-an ba malu. Katak feen fo nian tomak ba nia laen e nunee’ mos laen. Sira nain rua sai isin ida deit no klamar ida deit. Iha sakramento Kaben la fo dalan atu moris provizorio maibe afirma atu nafatin too rohan laek wainhira Maromak fahe liu mate ( Cfr. Mrk 10:1-2, Rom 7:2-3, 1Kor 7:10-11). Iha sakramento Kaben ne’e laos formalidade; maibe hatudu kona ba prezensa Maromak hanesan Misteriu boot ida (cfr. Ef. 5:31-32). Iha ne’e moris hamutuk hanesan feen-laen nuudar kabenain tamba “iha Fiar nebe profunda”. Baze atu moris hamutuk hanesan kabenain, mak Kristu nia domin ba nia Igreja (Ef. 5:22-30). “Laen sira hadomi imi nia kaben hanesan Kristu hadomi Nia Kreda ni saran Nia moris tamba nia” (Ef 5: 25).

Iha Sakramento Kaben iha pesoal importante nebe hola parte iha biban ne’e: Noivo, Noiva no Maromak rasik. Wainhira Noivo-noiva halo juramento ba malu, Maromak rasik mak sai Sasin lolos no fo bensaun ba sira nia juramento.  Uma Kreda Katolika Juridikamente rekonhece Sakramento ne’e ho buat ruma nebe importante mak hanesan: Forma no Materia. Forma (regula/rumusan) Kazamento nian; Materia (sasan/bahan) mak (noivo-noiva/Feen-laen)  sira rasik.  Amo Bispo, Nailulik no Diakonu sira nia presenza nuudar testamunha Uma Kreda nian. Tan ne’e laos Bispo, laos Nailulik no Diakonu mak fo sakramento kaben maibe sira nain rua rasik mak fo kaben ba malu.

            Aprofunda kona ba Sakramento iha parte seluk katak, sinal sira nebe eficaz husi graza nebe Kristo fo no konfia ba nia Igreja hodi hatudu kona ba moris Divina nian. Etrentanto, Sakramento sira husi Igreja nian mak: Batismo, Rekonsiliação/penitencia, Eucaristia, Corfirmação, Unção dos doentes, Matrimonio no Ordem.

2.3. EFEITO HUSI ESPIRITUALIDADE

·         Primeiro, mak sinal da Graza nebe eficaz tebes

·         Segundu, Sakramento sira fo fuan ba sira nebe sei simu hodi produz no hafuan fila fali iha sira nia moris romak.

·         Terceiro, Kristo rasik mak hala’o Sakramento sira, hodi komunika graza liu bensaun nebe fo ba sira nebe simu.

·         Kuadru, Sakramento nebe iha hafuan  moris  “Cruz” nian, nebe ita bele hasoru malu ho Na’i Maromak no ita bele hasoru malu ho Kristo rasik.

2.4. IGREJA SAKRAMENTO KRISTO NIAN

      Liu moris espiritualidade, Igreja (fen-laen) sira kontinua banati tuir Missao Jesus Kristo nian. Tamba ne’e Igreja mak sinal prezensa Jesus no ema umanu sira nian. Sakramento Igreja propio Maromak, pripio Jesus Kristo kona ba prezensa Maromak iha munda raiklaran. Wainhira Igreja celebra sakramento sira, pratikamente sarani sira enkontro ho Kristu moris hias nian.

III.  DOTRINA IGREJA KATOLIKA (VATIKAN II) KONA BA ESPIRITUALIDADE DO MATRIMONIO

Santa Igreja Katolika liu Documentos Gaudium et Spes no 48 – 52 hatur hanoin importante balu kona ba Espiritualidade moris Kazamento Katolika nian hanesan tuir mai ne’e:

3.1  Kazemento mak Covenant, foedus, “Perjanjian/ Juramento”.

            Igreja Katolika sublinha lolos hanoin husi Sagrada Escritura katak:

·         Fundamento Juramento mak aprosimacao husi Maromak ho Ema no resposta husi ema ba Maromak nia bolu (Cfr. Ul. 26: 17 -18).

·         Juramento sai hanesan “kontrato” ida, maibe em principiu mak “Komprimisu” no “Responsabilidade” husi pesoal (fen-laen) sira nebe fiel (setia) ba malu.

·         Juramento tuir sagrada Ecritura katak komitmento ka komprimisu nebe fen-laen sira la kontra ba malu/ saling menginkari (Yer. 31: 31 – 34; Mal. 2: 14).

·         Juramento tuir perspektiva Igreja hatudu lolos kona ba juramento entre Maromak ho povo Israel no entre Kristo hi nia Igreja.

·         Juramento hatudu kona ba signifikativo husi três bona (Bonum, kebaikan) mak hanesan: (a) Bonum prolis/good of marriage: kebaikan anak & edukacao ba oan sira; (b). Bonum Fidei/ good of fidelity: kebaikan kesetiaan dalan hidup perkawainan; (c). Bonum Sacramentum/good of sacrament: menunjuk pada sifat permanent perkawinan.

3.2.  Importancia Domin husi Fen-laen sira

            Dotrina Igreja liu Konsili Vatikan hatur hanoin hanesan tuir mai ne’e:

1). Fo importancia lolos kona ba “domin” entre fen-laen sira. Katak moris hanesan fen-laen ejiji lolos “estatus permanente no esklusivo”.

2). Konsili Vatikan II ejiji mos katak “domin” entre fen-laen sira tenke produtivo liu lalaok “intimidade”. Katak sira persija komprende valor moris hamutuk atu fo ksolok ba malu, hasantu an ba malu, kompleito no halo perfeito an ba malu, no nakloke an ba malu hodi fo domin ba malu lolos.

3.3. Fo an totalmente (self giving) no Sacrificio (donative love)

            Moris espiritualidade hanesan fen-laen tenke lori sira atu komprende no aplika lalaok iha moris hodi fo an totamente (self giving) no Sacrificio (donative love). Iha ne’e fen-laen sira komprende kona ba direito no dever iha moris hamutuk nian.

IV. ASPEITO IMPORTANTE HODI DEZEMVOLVE ESPIRITUALIDADE IHA MORIS FEN-LAEN SIRA

            Atu alkanza didiak moris espiritual iha uma laran hanesan fen laen persija atu hamoris fator importante sira iha moris lor-loron mak hanesan tuir mai ne’e:

4.1. Simu Malu (Accept)

            Hanesan feto ho mane, pratikamente iha diferencia pesoal hanesan ema uma. Entaun lalao nebe atu hamoris hodi situacao iha moris hamutuk ka familia nia laran nebe diak mak persia atu kumpri lolos maneiras “simu malu” (acceptanceness). Iha ne’e signifika katak persija atu adapta ba iha parte barak hanesan: komprende background familia, oinsa atu koalia ba malu, oinsa atu bele serve ba malu no seluk tan.

4.2. Fiar ba Malu (Believe)

            Santa Igreja Katolika hanorin ema Katolika sira kona ba Kredo. Ne’e katak, sira fiar lolos ba Maromak tamba Maromak rasik mak fo moris. Entaun hanesan fen-laen, iha uma laran ka iha familia persija atu tau fiar ba malu (believness). Basa ho maneiras no karakter ida ne’e sira bele hala’o serbisu saida deit ho livre sem iha tekanan rua. Tamba fiar ba malu sai xave importante ba suxeco fen-laen iha uma laran nian.

 4.3. Fo Atensaun ba malu (Care)

            Moris iha mundo raiklaran persija tebes atensaun. Basa laiha iha ema ida atu hela mesak hanesan rai ketan ida iha tasi balu. Entaun hanesan fen-laen nebe hari uma kain, sira persija atu fo importancia kona ba tau matan ba malu iha parte hotu-hotu iha sira nia moris. Ida ne’e atu sublina fila fali valor husi juramento nebe sira deklara: “….iha tempo diak no tempo aat nia laran….” Sira sei la husik malu sem iha hanoin seluk tan.

4.4. Fo Domin totalmente (Love)

            Atu atinji moris diak iha uma laran, hakarak ka lakohi “ Domin” sai hanesan xave husi moris hamutuk hanesan fen-laen. Domin nebe fen-laen sira atu persija hetan no simu mak “domin” nebe suli husi fuan no laran iha aspeito hotu-hotu nian.

            Wainhira fen-laen sira hamoris lolos domin iha uma laran, sira mantein nafatin objektivo principal no fundamental husi Sakramento Kazamento nebe Igereja Katolika hanorin ba sira hodi fo testamunha iha moris praktica.

V.  LIA MAK TAKA

            Iha dokumento ida ne’e afirma lolos kona ba impartanzia “domin hanesan feen ho laen”. Iha nia impakto katak domin feen-laen ne’e eksklusivo no permanen.  Tuir mai dokumento ne’e mos fo hanoin kona ba domin nebe total too fo an ba malu (donative love/ self giving).

Valor sakramento kaben tuir dokumento GS nee katak feen laen nebe hamutuk ona iha sakramento kaben, sira moris ona iha Maromak nia domin. Tamba ne’e feen laen persija realize domin nee atu salva ba malu hodi sira  sai  ida deit hodi bele fo an ba malu klamar no isin ida deit.  

Uma Kreda haklaken Sakramento Kaben sai valor importante ba Sarani sira katak Maromak nia prezensa realmente la mosu eh la hetan; maibe hanesan ema sarani, sira bele sinti iha esperienzia lor-loron nian. Maromak nia prezensa liu sinais nebe konkreta nebe ita hatene liu Sakramento sira. Tamba ne’e Sakramento tuir hanoin uma Kreda katolika nian mak sinal Maromak no instrumentu   nebe bele liga malu ho maromak atu besik ho Nia no sinti Maromak nia domin. Maibe importante liu mak sinal domin Maromak nebe sarani sira fiar ba maromak. (( Pe. José Taçain, SVD )